వీది అరుగులు

 ఆవేదన అలలై అంతరంగాన్ని అతలాకుతలం చేసినప్పుడల్లా,

అలసిన అడుగులకు ఆలంబనైనవి ఆ వీధి అరుగులే.

మాటల్లో చెప్పలేని మనోవేదనను,
మౌనంగా చెక్కిలి నుండి జారే కన్నీళ్లను, ఓర్పుతో ఆలకించే
శక్తి ఆ అరుగులకే సొంతం.

కన్నవారు కాదుపొమ్మంటే వారి కళ్లలో వెలుగు కరిగిన కథలు,
ఒంటరి గుండెల్లో  వేదన మిగిల్చిన జ్ఞాపకాలు, ఎన్నో నిరీక్షణల నిశ్శబ్ద నిట్టూర్పులు అన్నీ ఆ అరుగుల మీదే ఆశ్రయం పొందాయి.

బంధాలు దూరమై బాధలో ఉన్నప్పుడు ఆ బాధలు పంచుకునే ఆత్మీయ వేదికలు ఆ అరుగులే కదా!

నేడు బాధలు చెప్పుకునే వృద్ధులే లేరా అని ఆ అరుగులెందుకో చిన్నవోయినాయి..


కోట దామోదర్
మొబైల్ 9391480475